今日去了“拆禮物”，是朋友12月時送給我的生日禮物🎁，睇嚟朋友們都知道我係⻣精🤭
有驚喜的，環境和感覺唔錯❤️只可惜只營業到今個月的15號便關閉至少6個月，原因大家都估到...
今日見到個朋友，佢同我講有一間她特別有感情的酒店今個月亦無限期關門，所以佢唔開心...
毛國主要是靠旅遊業，去年4月便沒有遊客，整個國家很多店都關門... 有朋友取笑我不知疫症有幾慘，我只能說慘不是用嚟鬥，要是鬥慘我亦不一定輸，亦至少有嘢可以鬥下。我們一家收入少了一半以上差不多一年；過去一年主要去的地方是沙灘；醫療設備係點大家都估到；confinement頭一個月每日留意得最多是那間店有食物送貨，見到有就即刻舉手，但都不一定有，未至於會餓死，但始終想有新鮮食物給Mimi Momo；經歷過政府宣佈全國超市停開，繼而有群眾宣稱當晚搶却超市，我咁大個女真係驚的事唔多，當晚真係擔心，真的怕大亂，繼而被入屋搶劫，重要物品準備好，避難地方計劃好... 好彩最後冇事🙏 8-10架警車到場，大批警員衝衝衝到場，真係好似拍戲咁...
鬥慘沒有意思，就算我唔夠慘又點呢？鬥慘贏了我又如何？面對這全球性災難，有多少人可以獨善其身？要鬥就鬥邊個疫境至強，邊個在這情況下仍能樂觀面對... 經過這一疫，真心體會到最重要是一家人健康在一起，錢日後可以再搵...
我們一家確實唔算好慘，總算平安，祝願大家都平安，一齊捱過這個疫症🙏
Search